धूप दीप झाला आता कापूर आरती |

धूप दीप झाला आता कापूर आरती ।
(गणेशा कापूर आरती) ॥
रत्नजडित सिंहासनी... २ मंगलमूर्ती ॥ धृ ॥

कर्पूरासम निर्मल माझे मानस राहू दे ॥
(गणेशा मानस राहू दे) ॥
कर्पूरासम भावभक्तीचा... २ सुगंध वाहू दे ॥
धूप दीप...

कापुराची लावून ज्योती पाहीन तव मूर्ती ॥
(गणेशा पाहीन तव मूर्ती) ॥
नयनी साठवू ही मंगलमूर्ती ॥ २ ॥
धूप दीप...

ज्ञान कळेना ध्यान कळेना, कळेना काही ॥
(गणेशा कळेना काही) ॥
शब्दरूपी गुंफूनी माळा... २ वाहतसे पायी ॥ ३ ॥
धूप दीप...

नेत्री ध्यान मुखी नाम, हृदयी तव मूर्ती ॥
(गणेशा हृदयी तव मूर्ती) ॥
भावभक्तीने केली देवा... २ कापूर आरती ॥ ४ ॥
धूप दीप...