जय जय जयमयुरेश्वरा ।
पंचारती ओवाळू हरा ( २ )
जय जय जयमयुरेश्वरा ।।
शोभती सुंदर कमला सन हे ।
रत्नजडीत शिरी मुकूट विराजे ।।
पायी घागरी रुणझुण वाजे |
श्रीधरा करुणा करा ।। १ ।। जय जय ..
शेंदुर चर्चित केशरी टिळा |
कंठी झळकती मोक्तीक माळा
कटी कसुन पितांबर पिवळा |
पाशांकुशधर हस्त फणिवरा ।। २ ।। जय ..
मंगलमुर्ती पार्वती बाळा |
सुरवर मुनिजन पूजती तुजला
विघ्न निवारी श्रमवी सकला |
कमलनयन हे मनोहरा ।। ३ ।। जय ..
धाव पाव रे गौरीनंदना |
आलिंगुनी तुज करी रे वंदना
पतित मी पापी शमवी सकला ।
श्रमलो दमलो या संसारा ।। ४।। जय ..
करुणास्तव हे परसुनी कानी ।
प्रगट झाली जगत्जननी
शरण मी आलो अति दिनवानी |
नरहरी श्री दे तव पदीथारा ।। ५ ।। जय ..
