जय देवी सप्तश्रृंगा अंबा गौतमी गंगा
नटली ही बहुरंगा उटी शेंदुर अंगा
जय देवी सप्तश्रृंगा ॥ धृ ॥
पूर्व मुख अंबे ध्यान जरा वाकडी मान
मार्कंडेय देई कान सप्तशतीचे पान
एके अंबा गिरि श्रृंगा, अंबा गौतमी गंगा
जय देवी सप्तश्रृंगा ॥ १ ॥
माये तुझा बहु थाट देई सगुण भेट
प्रेम पान्हा एक घोट भावे भरले पोट
करू नको मनभंगा, अंबा गौतमी गंगा
जय देवी सप्तश्रृंगा ॥ २ ॥
महिषीपुत्र म्हैसासुर दृष्टी कामे असुर
करि दाल समशेर क्रोधे उडविली शिर
शिवशक्ती शिवगंगा, अंबा गौतमी गंगा
जय देवी सप्तश्रृंगा ॥ ३ ॥
निवृत्ति हा राधासुत अंबे आरती गात
अठराही तुझे हात भक्तां अभय देत
चरणकमल मनभंगा, अंबा गौतमी गंगा
जय देवी सप्तश्रृंगा ॥ ४ ॥
संबंधित इतर पोस्ट्स 👇
🪙
विशेष ज्योतिष उपाय
समृद्धी (Prosperity), बचत (Savings) आणि गुंतवणुकीसाठी (Investment) विशेष मार्गदर्शन