पुष्पांजली ही तुम्हा अर्पितो रामचंद्र सदया ।
तव पदी वंदन करण्या स्फूर्ति द्यावी या हृदया ।। धृ ।।
भाविक जन हे आनंदाने नमिती तव पायी ।
धन्य मानिती ते आपुल्याला संशय मुळी नाही ।।
श्री रामचंद्रगुरू पारनेरकर अवतरले जगी या ।
उद्धरण्याला भक्तजनांना हरूनी पापभया ।।
दीन दयाळा आम्ही लेकरे शरण तुम्हा आलो ।
भक्तिप्रेमे पुष्पांजली ही वाहण्यास सजलो ।।
पुष्पांजली ही तुम्हा अर्पितो रामचंद्र सदया |
तवपदी वंदन करण्या स्फूर्ति द्यावी या हृदया ।।