जय जय भवानी, मनरमणी,
मातापुरवासीनी । चौदाभुवनांची स्वामिनी ।
महिषासुरमार्दिनी ॥ जय ॥ धृ ॥
नेसुनि पाटाव, पिवळा, हार शोभे गळा ॥
हाती घेऊनिया त्रिशुळा, भाळी कुंकुम टीळा ॥ १ ॥
जय जय भवानी...
अंगी लेवुनिया काचोळी, वर मोत्यांची जाळी ।
हृदयी शोभतसे, पदकमळी, कंठी हे गरसोळी ॥ २ ॥
जय जय भवानी...
पायी घागरिया, घुळघुळ, नाकी मुक्ताफळ ।
माथां केश हे, कुरळ नयनींहो काजळ ॥ ३ ॥
जय जय भवानी...
सिंहावरी तू बैसून, मारिसी दानवगण ॥
तुजला विनवितो, निशिदीन, गोसावीनंदन ॥ ४ ॥
जय जय भवानी...