नमितो तुजला हिरादेवी ठेवितो चरणी माथा ,
आई ठेवितो चरणी माथा ।
अजाण आम्ही तुझी बालके तू आमची माता ,
आई तू आमची माता।।धृ ।।
मन इच्छिले ते पावले दारी तुझ्या येऊनी ,
आई दारी तुझ्या येऊनी ।
देई आशिर्वाद आम्हा सर्वा प्रसन्न होऊनी ,
आई सर्वा प्रसन्न होऊनी ।।
मन गुंतले तुझ्याच पायी भान नसे आम्हा ,
आई भान नसे आम्हा ।।
अजाण आम्ही तुझी बालके ... || १ ||
टाळ , मृदंग , ढोल बाजुनी गान तुझे गातो ,
आई गान तुझे गातो ।
तुझिया नामी रंगुनिया आम्हा आंनद होतो ,
आई आम्हा आंनद होतो ।।
शब्द बापुडे असे तरी तू घे मानुनी माता ,
आई तू घे मानुनी माता ।।
अजाण आम्ही तुझी बालके ... ।।२ ।।
मंगळवारी आरतीस मन प्रसन्न होते ,
आई मन प्रसन्न होते ।
लहान थोर सारी जनता मंदिरात जमते ,
आई मंदिरात जमते ।।
भाव त्याचा जानूनी त्यांना इच्छित वर द्यावा ,
आई इच्छित वर द्यावा ।।
अजाण आम्ही तुझी बालके ... ।।३ ।।
टिप्पणी पोस्ट करा
आपला अमूल्य प्रतिसाद आमच्यासाठी खूप महत्त्वाचा आहे. जर आमच्याकडून लिखाणात काही चुकी झाली असेल किंवा आपणांस अजून काही सुचवायचा असेल तर खालील कमेंट बॉक्स मध्ये नक्की लिहा .