जय देवी जय देवी जय माय तुळशी |
निजपत्राहुनि लघुतर त्रिभुवन तुळसी ।।धृ ।।
ब्रह्मा केवळ मुळी मध्ये तो शौरी ।
अग्री शंकर तीर्थे शाखापरिवारी ।
सेवा करिती भावे सकळहि नरनारी ।
दर्शनमात्रे पापें हरती निर्धारी ।।
जय देवी जय देवी जय माय तुळशी |
निजपत्राहुनि लघुतर त्रिभुवन तुळसी || १ ।।
शीतळ छाया भूतळव्यापक तू कैसी |
मंजिरीची बहुआवड कमळारमणासी ।
तव दलविरहित विष्णू राहे उपवासी ।
विशेष महिमा तुझा शुभ कार्तिकमासी ।।
जय देवी जय देवी जय माय तुळशी |
निजपत्राहुनि लघुतर त्रिभुवन तुळसी || २ ||
अच्युत माधव केशव पीतांबरधारी ।
तुझिया पूजनकाळी जो हे उच्चारी ।
त्यासी देसी संतति संपत्ति सुखकारी ।
गोसावी सुत विनवी मजला तू तारी ।।
जय देवी जय देवी जय माय तुळशी |
निजपत्राहुनि लघुतर त्रिभुवन तुळसी || ३ ||