जय देवी हरितालिके |
सखी पार्वती अंबिके ।
आरती ओवाळीते ।
ज्ञानदीपकळिके || धृ .।।
हरिअर्धांगी वससी ।
जासी यज्ञा माहेरासी ।
तेथें अपमान पावसी
यज्ञकुंड गुप्त होसी ।। जय .।। १ ।।
रिघसी हिमाद्रीच्या पोटी ।
कन्या होसी तू गोमटी ।
उग्र तपश्चर्या मोठी ।
आचरसी उठाउठी || जय . || २ ||
तापपंचाग्रिसाधनें ।
धुम्रपाने अधोवदने
केली बहु उपोषणें ।
शंभु भ्रताराकारणें || जय . || ३ ||
लीला दाखविसी दृष्टी ।
हे व्रत करिसी लोकांसाठी |
पुन्हा वरिसी धूर्जटी ।
मज रक्षावें संकटी ।।जय .।। ४ ।।
काय वर्जू तव गुण ।
अल्पमति नारायण |
मातें दाखवी चरण |
चुकवावे जन्म मरण || जय .।। ५ ।।
टिप्पणी पोस्ट करा
आपला अमूल्य प्रतिसाद आमच्यासाठी खूप महत्त्वाचा आहे. जर आमच्याकडून लिखाणात काही चुकी झाली असेल किंवा आपणांस अजून काही सुचवायचा असेल तर खालील कमेंट बॉक्स मध्ये नक्की लिहा .