अनादी निर्गुण निर्गुण प्रगटली भवानी ।
अहं महिषासूर महिषासुर , मर्दना लागुनी ।
त्रिविध तापाची तापाची करावया झाडणी ।
भक्ता लागी तू लागी तू पावशी निर्वाणी ।
आईचा जोगवा , जोगवा जोगवा मागेन || १ |
द्वैत सांडूनी सांडूनी माळ मी घालीन ।
हाती बोधाचा , बोधाचा झेंडा मी घेईन |
भेदरहीत रहीत वारीसि जाईन ।
आईचा जोगवा , जोगवा जोगवा मागेन ।।२ ।।
पूर्ण बोधाची , बोधाची घेईन मी परडी ।
आशा तृष्णेच्या , तृष्णेच्या पाडीन मी दरडी ।
मन विकार , विकार करीन कुरवंडी ।
विवेक रसाची , रसाची करीन मी दुरडी ।
आईचा जोगवा , जोगवा जोगवा मागेन ।।३ ।।
नवविध भक्तीच्या , भक्तीच्या करूनिया नवरात्रा |
पोटी मागेन , मागेन , ज्ञानरूपी पुत्रा ।।
जाणूनी सद्भाव अंतरीच्या मित्रा |
दंभ संसारा , संसारा मारीला कुपात्रा ।
आईचा जोगवा , जोगवा जोगवा मागेन|| ४ ||
आता साजणी , साजणी झाले मी निःसंग ।
विकल्प नवऱ्याचा , नवऱ्याचा तोडीयला संग |
काम क्रोधादि , क्रोधादि झोडियले भांग |
केला मोकळा , मोकळा मार्ग मी सुरंग ।
आईचा जोगवा , जोगवा जोगवा मागेन।।4 ।।
ऐसा जोगवा , जोगवा मागुनी ठेवियला |
जाऊनी महाद्वारी , महाद्वारी नवस म्यां फेडिला ।
एका जनार्दनी , जनार्दनी एकपणे देखिला |
जन्म मरणाचा , मरणाचा फेरा मी चुकविला ।
आईचा जोगवा , जोगवा जोगवा मागेन || ६ ||
कापराची ज्योत अंबे ओवाळु तुजला
लोलो लागला अंबेचा
जय जय जगदंबे श्री अंबे
जय जय भवानी मनरमणी
दुर्गे दुर्घट भारी तुजविण
आश्विन शुद्ध पक्षी अंबा (नवरात्री)
श्री सूक्तम्
छंद तुझा लागला
कोट्यावधी अपराध
आम्ही चुकलो जरी
अंबे एक करी
विपुल दयाघन गर्जे
संपूर्ण आरती संग्रह
आरती जगदंबे तुज
जय जय जगदंबे श्री
दे मज आशीर्वाद
माय माझ्या रेणुकेची दृष्ट
रेणुकाष्टकम्
अयि गिरिनन्दिनि
कनकधारा स्तोत्रम्