आरती विष्णूमूर्ति । जय महालया शक्ति ।
आरती विष्णमूर्ति ।।धृ . ।।
मोहिनी रूप तुझें तुवा आणिलें युक्ति ।
बैसोनी देव दैत्य सर्व समुदाया पंक्ति ।
वाटिलें एकवट सुरा असुरा युक्ति ।।१ ।।
आरती विष्णमूर्ति ।।धृ . ।।
चोरूनि राहुनें अमृतपान केलें ।
देखोनि शशिसूर्य मग तुज जानविलें ।
चक्र हे काढोनियां त्याचे शिर छेदिले ।
ग्रासिले रविचंद्रा ग्रहण तेथोनि झालें || २ ||
आरती विष्णमूर्ति ।।धृ . ।।
प्रसिद्ध निधिवास जेथें प्रवरा वाहे ।
ते स्थळीं वास तुझा भूमिवैकुंठ आहे |
भक्तिमुक्ति शीघ्र पावे तव भजनी राहे |
गोसावी नंदन म्हणे कृपेनें पाहे || ३ ||
आरती विष्णमूर्ति ।।धृ . ।।
टिप्पणी पोस्ट करा
आपला अमूल्य प्रतिसाद आमच्यासाठी खूप महत्त्वाचा आहे. जर आमच्याकडून लिखाणात काही चुकी झाली असेल किंवा आपणांस अजून काही सुचवायचा असेल तर खालील कमेंट बॉक्स मध्ये नक्की लिहा .