धूप दीप झाला आता | कापुर आरती

धूप दीप झाला आता कापूर आरती ।
देवा कापूर आरती ॥
रत्नजडित सिंहासनी (२) भगवंता मूर्ती ॥ धृ ॥

कर्पूरासम निर्मल माझे मानस राहू दे ।
देवा मानस राहू दे ॥
कर्पूरासम भावभक्तीचा (२) सुगंध वाहू दे ।
धूप दीप झाला ... ॥ १ ॥

कापुराची लावून ज्योती पाहीन तव मूर्ती ॥
देवा पाहीन तव मूर्ती ॥
नयनी साठवू (२) ही भगवंत मूर्ती ।
धूप दीप झाला ... ॥ २ ॥

ज्ञान कळेना ध्यान कळेना । कळेना काही ॥
देवा कळेना काही ॥
शब्दरूपी गुंफूनी माळा (२) वाहतसे पायी ।
धूप दीप झाला ... ॥ ३ ॥

नेत्री ध्यान मुखी नाम हृदयी तव मूर्ती ॥
देवा हृदयी तव मूर्ती ॥
भावभक्तीने केली देवा (२) कापूर आरती ।
धूप दीप झाला ... ॥ ४ ॥