नागेंद्रहाराय त्रिलोचनाय
भस्मांगरागाय महेश्वराय |
नित्याय शुद्धाय दिगंबराय
तस्मै न काराय नमः शिवाय ।।१ ।।
मंदाकिनीसलिलचंदनचर्चिताय ,
नंदीश्वरप्रमथनाय महेश्वराय ।
मंदारपुष्पबहुपुष्पसुपूजिताय
तस्मै म काराय नमः शिवाय।।२।।
शिवाय गौरीवदनाब्जवृंद
सूर्याय दक्षाध्वरनाशकाय |
श्रीनीलकंठाय वृषध्वजाय
तस्मै शि काराय नमः शिवाय।।३।।
वसिष्ठकुंभोद्भवगौतमाय
मुनींद्रदेवार्चितशेखराय ।
चंद्रार्कवैश्वानरलोचनाय
तस्मै व काराय नमः शिवाय।।४।।
यक्षस्वरुपाय जटाधराय
पिनाकहस्ताय सनातनाय ।
दिव्याय देवाय दिगम्बराय
तस्मै य काराय नमः शिवाय।।4।।
पंचाक्षरमिदं पुण्यं
यः पठेच्छिवसंनिधौ ।
शिवलोकमवाप्नोति
शिवेन सह मोदते ।।६।।