त्रिगुणात्मक त्रैमुर्ती दत्त हा जाणा दत्ताची आरती

त्रिगुनात्मक त्रैमुर्ती दत्त हा जाणा | 

त्रिगुणी अवतार त्रैलोक्य राणा ।

 नेति नेति शब्द नये अनुमाना । 

सुरवर मुनिजन योगी समाधि न ये ध्याना | 

जय देव जय देव जय श्रीगुरूदत्ता | 

आरती ओवाळितां हरली भवचिंता || धृ || 

सबाह्य अभ्यंतरी तूं एक दत्त । 

अभाग्यासी कैंची कळेल ही मात | 

पराही परतली तेथे कैंचा हा हेत | 

जन्ममरणाचा पुरलासे अंत || जय || १ || 

दत्त येऊनियां उभा ठाकला | 

सद्भावे साष्टांगेसी प्रणिपात केला | 

प्रसन्न होऊनी आशीर्वाद दिधला। 

जन्ममरणाचा फेरा चुकविला || जय || २ || 

दत्त दत्त ऐंसे लागले ध्यान | 

हारपले मन झालें उन्मन | 

मी तूं पणाची झाली बोळवण | 

एका जर्नादनी श्रीदत्त जाण || जय || ३ ॥