भवतारक या तुझ्या पादुका वंदिन मी माथां ।
करावी कृपा गुरुनाथा॥धृ .॥
बहु अनिवार हे मन माझे चरणी स्थिर व्हावें ।
तव भजनी लागावें ॥
कामक्रोधादिक हे षड्रिपु समूळ छेदावे ।
हेचि मागणे मला द्यावें । ( चाल )
अघहरणा करिं करुणा दत्ता धांव पाव आतां ।
करावी कृपा गुरुनाथा ॥१ ॥
तूंचि ब्रह्मा तूंचि विष्णु तूंचि उमाकांत ।
तूंचि समग्र दैवत ।
माता पिता इष्ट बंधू तूंचि गणगोत ।
तूंचि माझें सकळ तीर्थ ॥ ( चाल )
तुजविण मी गा कांहीच नेणें तूंचि कर्ता हर्ता ।
करावी कृपा गुरुनाथा ॥२ ॥
तनमनधन हे सर्व अर्पनी कुरवंडीन काया ।
उपे नको गुरुराया ।
कर्महीन मी , मतीहीन मी ,
सकल श्रम वाया ।
लज्जा राखी गुरु सदया ॥ ( चाल )
मातृबालकापरि सांभाळी तूंचि मुक्तिदाता ।
करावी कृपा गुरुनाथा ॥३ ॥
शेषा ब्रह्मया वेदांन कळे महिमा तव थोर ।
तेथे मी काय पामर ।।
वियोग नसुंदे तव चरणांचा हाचि देई वर शिरीं ।
या ठेवी अभयकर ॥ ( चाल )
हीच विनंती दर्शन द्यावें दासा रघुनाथा ।
करावी कृपा गुरुनाथा ॥४ ॥