मिठा पिठाचा जोगवा याहो बायांनो दरबारी
मला बाय जायाचं गुरुवारी ग तुळजापूरच्या बाजारी ||धृ||
तुळजापूरला जाईन आईला कुंकू घेईन ग
आई आंबेला लावीन ग परत माघारी येईन ||१||
मला बाय जायाचं गुरुवारी ग तुळजापूरच्या बाजारी ||धृ||
तुळजापूरला जाईन आईला बांगड्या घेईन ग
आई आंबेला घालीन ग परत माघारी येईन ||२||
मला बाय जायाचं गुरुवारी ग तुळजापूरच्या बाजारी ||धृ||
तुळजापूरला जाईन आईला हारवेणीघेईन ग
आई आंबेला घालीन ग परत माघारी येईन ||३||
मला बाय जायाचं गुरुवारी ग तुळजापूरच्या बाजारी ||धृ||
तुळजापूरला जाईन आईला साडीचोळी घेईन ग
आई आंबेला नेसवीन ग परत माघारी येईन ||४||
मला बाय जायाचं गुरुवारी ग तुळजापूरच्या बाजारी ||धृ||
तुळजापूरला जाईन आईला नैवेद्य करिन ग
आई आंबेला दाखवीन ग परत माघारी येईन ||५||
मला बाय जायाचं गुरुवारी ग तुळजापूरच्या बाजारी ||धृ||
------------ दुसऱ्या स्वरूपात-------------
मिठा पिठाचा जोगवा । जोगवा ग जोगवा ।।
याग बयांनो दरबारी ग मला जायचे दूरवरी ।
तुळजापूरला जाईन हळद कुंकू घेईन ।
हळद कुंकू घेईन ग अंबिकेला वाहिन ।
अंबिकेला वाहिन ग मग मी परत येईन ।।१।।
तुळजा पुरला जाईन हिरवी साडी घेईन ।
हिरवी साडी घेईन ग अंबिकेला नेसविन।
अंबिकेला नेसविन ग मग मी परत येईन ।।२।।
तुळजा पूरला जाईन हिरवा चूडा घेईन ।
हिरवा चूडा घेईन ग अंबिकेला घालिन।
अंबिकेला घालिन ग मग मी परत येईन ।।३।।
तुळजा पुरला जाईन हार गजरे घेईन ।
हार गजरे घेईन ग अंबिकेला घालिन।
अंबिकेला घालिन ग मग मी परत येईन ।।४।।
तुळजा पुरला जाईन खण ओटी घेईन ।
खण ओटी घेईन ग अंबिकेला वाहिन ।
अंबिकेला वाहिन ग मग मी परत येईन ।।५।।
तुळजा पुरला जाईन पुरण पोळी करीन।
पुरण पोळी करीन ग नैवेद्याला अर्पिन ।
नैवेद्याला अर्पिन ग मग मी परत येईन ।।६।।
तुळजा पुरला जाईन तांबुल विडा घेईन ।
तांबुल विडा घेईन ग अंगिकेला देईन ।
अंबिकेला देईन ग मग मी परत येईन ।।७।।
तुळजा पुरला जाईन आईचा जोगवा मागेन ।
आईचा जोगवा मागेन ग अंबिकेला अर्पिन
अंबिकेला अर्पिन ग मग मी परत येईन ।।८।।
तुळजा पुरला जाईन उदो उदो गर्जिन ।
उदो उदो गर्जिन ग अंबिकेला नमिन् ।
अंबिकेला नमिन् ग मग मी परत येईन ।।९।।